2 X INGESKREWE VERPLEEGKUNDIGES (STAFVERPLEEGSTERS)
Aansoeke van Suid-Afrikaanse burgers word vir die onderstaande poste by Huis Zonnekus ingewag:
Aard van pos:
- Skofwerk met ‘n gemiddeld van 40 uur per week.
Hoof fokus areas:
- Skofleier en bestuur van verpleegpersoneel.
- Toepassing en bestuur van mediese dienste en versorging aan bejaarde persone.
Hoof verantwoordelikhede:
- Identifiseering van verpleegsorgbehoeftes, beplanning en implementering van verpleegsorg.
- Toesig dat norme en standaarde vir versorging van ouer persone gehandhaaf word.
- Fasilitering en versorging van inwoners.
- Oorsig en bestuur van ingeskrewe verpleegassistente en versorgers.
Vereistes:
Inherente vereistes van die pos:
- Registrasie as Ingeskrewe Verpleegkundige by die Suid-Afrikaanse Raad vir Verpleegkundiges.
- Persoonlike indemniteitsversekering.
- Bereidwilligheid om skofte soos per diensrooster te werk (sluit in dag, nag, naweke en openbare vakansiedae).
- Die vermoë om in Afrikaans en Engels te kan kommunikeer.
Minimum opvoedkundige kwalifikasie:
- Diploma in Verpleging.
Ondervinding:
- Minstens 3 jaar toepaslike ondervinding in verpleging.
Kennis/Vaardighede:
- Kennis van die Wet op Verpleging en die Wet op Ouer Persone.
- Kennis en ervaring in die fisiese- en mediese versorging van ouer persone.
- Kennis en ervaring in die toediening van geskeduleerde medikasie en die beheer daarvan.
- Rekenaar vaardigheid (MS Word, MS Excel en MS Outlook).
- Vermoë om onafhanklik en binne spanverband te kan funksioneer.
Vergoeding: Onderhandelbare salaris binne Badisa-riglyne.
Diensvoordele:
- Werkgewersbydrae tot die pensioenfonds en mediesefonds.
- Ruim verlofvoordele.
Diensaanvaarding: So spoedig moontlik.
Aansoeke:
- Vereiste dokumentasie: CV en gesertifiseerde afskrifte van ID, kwalifikasies en SARV registrasie.
- Sluitingsdatum: 6 November 2026.
- Rig aansoek aan: Fritz Brand, bestuurder@huiszonnekus.co.za.
- Navrae: 021 551 5789