PROFESSIONELE/GEREGISTREERDE VERPLEEGSTER (SUSTER)
Aansoeke van Suid-Afrikaanse burgers word vir die onderstaande poste by Huis Zonnekus ingewag:
Aard van posisie:
- 5-dae Werkweek (Ma – Vry, 09:30 – 18:30).
Hooffokusareas:
- Ondersteuning aan die Suster in Beheer/Hoof van Verpleging.
- Verligting wanneer skofleiers met verlof is.
Hoofverantwoordelikhede:
- Om toesig te hou dat norme en standaarde vir sorg van ouer persone gehandhaaf word.
- Fasilitering en sorg van inwoners.
- Oorsig en bestuur van verpleegpersoneel en versorgers.
- Uitvoering en bestuur van die In-diens opleidingsprogram.
- Opstel en implementering van individuele sorgplanne vir elke inwoner.
- Gereelde hersiening en opdatering van bestaande sorgplanne.
Vereistes:
Inherente vereistes van die pos:
- Registrasie as ‘n Professionele/Geregistreerde by die Suid-Afrikaanse Raad vir Verpleegkundiges.
- Persoonlike vrywaringsversekering.
- Bereidwilligheid om skofte te werk, oor naweke en op openbare vakansiedae.
- Die vermoë om in Afrikaans en Engels te kommunikeer.
Minimum opvoedkundige kwalifikasie:
- Diploma of graad in Verpleging.
Ervaring:
- Ten minste 6 jaar relevante ondervinding in verpleging en sorg vir ouer persone.
- Ten minste 2 jaar toepaslike ondervinding op bestuursvlak.
Kennis/Vaardighede:
- Kennis van die Wet op Verpleeging en die Wet op Ouer Persone.
- Kennis en ervaring in die sorg van ouer persone.
- Kennis en ervaring in die toediening van geskeduleerde medikasie en die beheer daarvan.
- Rekenaarvaardigheid (MS Word, MS Excel en MS Outlook).
- Toepaslike arbeidsverhoudingsvaardighede.
- Vermoë om onafhanklik en binne ‘n span te funksioneer.
Vergoeding: Onderhandelbare salaris binne Badisa-riglyne.
Diensvoordele:
- Werkgewer se bydrae tot die pensioenfonds en mediesefonds.
- Ruim verlofvoordele.
Aanvaarding van diens: 1 Desember 2026.
Toepassings:
- Vereiste dokumentasie: CV en gesertifiseerde kopieë van ID, kwalifikasies en SARV registrasie.
- Sluitingsdatum: 30 Oktober 2026.
- Rig aansoek aan: Fritz Brand, bestuurder@huiszonnekus.co.za.
- Navrae: 021 551 5789