Huis de Kuilen geleë in Kuilsrivier en ’n program van Badisa, nooi graag gemotiveerde kandidate om aansoek te doen vir die pos van Administratief en Fondswerwing Beampte. Ons soek iemand wat georganiseerd, dinamies en mense-gesentreerd is, met ’n passie vir bejaarde sorg en die gemeenskap wat ons dien.
ADMINISTRATIEWE VERANTWOORDELIKHEDE
Die suksesvolle kandidaat sal onder meer verantwoordelik wees vir:
- Bestuur en byhou van die waglys vir potensiële inwoners.
- Hantering van opnames, insluitend administrasie, kommunikasie met families en voorbereiding van relevante dokumentasie.
- Toesig oor die instandhoudingsregister
- Kameradministrasie vir nuwe opnames: voorbereiding, kontrolelyste.
- Beantwoord van telefoonoproepe en navrae.
- Algemene kantooradministrasie, insluitend lêerstelsels, datavaslegging en dokumentbestuur.
- Skakeling met personeel, inwoners en families.
- Opstel en verspreiding van interne kommunikasie soos kennisgewings, e-posse en dokumentasie.
- Bystand met mediese administratiewe funksies.
FONDSWERWINGSVERANTWOORDELIKHEDE
Hierdie rol vereis ook kreatiwiteit en entoesiasme om fondse vir ons tehuis te genereer. Verantwoordelikhede sluit in:
- Beplanning, organiseer en aanbied van fondsinsamelingsprojekte en -geleenthede.
- Bou en instandhouding van verhoudinge met donateurs, borge en gemeenskapsinstansies.
- Opstel van donasiebriewe, bedankingsbriewe en kommunikasie met ondersteuners.
- Administrasie en rekordhouding van donasies en borge.
- Bevordering van projekte deur sosiale media, gemeenskapsnetwerke en interne platforms.
- Kreatiewe ontwikkeling van nuwe fondsinsamelingsinisiatiewe vir volhoubare inkomste.
- Samewerking met ander personeel en vrywilligers om projekte suksesvol te laat verloop.
- Voorbereiding van verslae oor fondsinsamelingsbedrywighede.
Vereistes
- Uitstekende administratiewe en organisasievermoë.
- Sterk kommunikasievaardighede in Afrikaans en Engels.
- Positiewe ingesteldheid, probleemoplossingsvermoë en die vermoë om onder druk te werk.
- Ervaring in administrasie en fondswerwing sal ’n aanbeveling wees.
- ’n Passie om met Bejaardes te werk en ’n positiewe verskil te maak.
- Geldige bestuurslisensie.
- Gevorderde rekenaarvaardighede: Microsoft Office en Canva
Adres: Skool straat 5, Kuilsrvier
Diensaanvaarding: So spoedig moontlik.
Sluitings datum: 1 Desember 2025
- Epos volledige CV na bestuurder@huisdekuilen.co.za
- CV kan per hand afgelewer word by Skool straat 5, Kuilsrvier.
Navrae: 021 903 7055 (Rian de Jager) Die Bestuur behou die reg voor om geen aanstelling te maak indien geen geskikte kandidaat gevind word nie
